SPLENDID WORKSHOP

10條Splendid Workshop Q&A: 

 

Q1: Splendid Workshop 咩來頭？

A: Splendid Workshop 由讀藝術設計出身並擁有15年攝影經驗嘅 Wilde Cheung 於2010所創立，再加上一班同樣經驗豐富而且並肩作戰多年嘅好拍檔。

................

Q2: 想進一步了解多啲SW嘅運作，應該點做呢？

A: 好歡迎你透過Instagram, Signal, Whatsapp等工具去聯絡我哋，但更建意你親臨我哋位於觀塘嘅studio面問面答。

................

Q3: 如果親身嚟到studio，但我又未必會咁快決定到，怕會浪費你哋時間？

A: 請放心，我哋好明白客人需要時間去消化同整理繁複嘅疑問，唔喜歡硬銷你即時決定俾錢落訂。

................

Q4: 但我真係有好多問題，你一定覺得我勁煩啦？

A: 要記住千其唔好怕醜怕麻煩，一定要多講多問，俾我哋可以解答晒你嘅疑慮先可以安安落落咁完成正個流程，即使有幾瘋狂嘅意念都可以提出，等我哋齊齊Brainstorming吖嘛。

................

Q5: 你哋有參加婚展嗎？有現場優惠嗎？

A: 喺短期之內我都冇參加婚展嘅打算。我哋希望客人心思熟慮自已真正嘅需要，並唔係因為現場嘅特別優惠或花言巧語而倉卒去決定你嘅人生大事。

當然其實仲有好多方法可以得到優惠嘅，想知就即刻向我哋查詢啦。

................

Q6: 點解Pre-Wedding Package唔包婚紗禮服？

A: 挑選適合嘅婚紗或禮服係拍攝裏面重要嘅一環，如果因為一時嘅方便而勉強選擇唔係自已嘅心頭好，倒不如將兩者分開等你哋可以有更多嘅選擇。

當然我哋會有相熟而且服飾又靚價錢又合理嘅婚紗公司推薦，加上絕對歡迎客人向我哋資詢服飾同配件嘅疑問，幫你襯出最佳嘅視覺效果。

................

Q7: 我哋嘅Pre-Wedding同Big Day會由咩人嚟操刀？

A: 由前期傾流程細節到當日拍攝到後期執相都會由我本人Wilde親自主理。正因為要確保服務及拍攝質素，所以絕不假手於人。

................

Q8: 我未有時間同你見面，可以先幫我HOLD住Big Day個期嘛？

A: 同大部份嘅公司一樣，我哋都係需要客人先付訂金至可以留住個日子。

................

Q9: 市面有好多唔同價錢嘅公司，你係點定位？

A: 比我哋平或者貴嘅公司的確大有人在。不過我哋唔係賣名氣亦冇參加婚展，所以唔需要客人承擔太多額外嘅費用。

但同時間我哋亦已經有相當嘅經驗同實力，為咗喺保持質素方面取得平衡而定出嘅價錢。

................

Q10: 點解我要選擇Splendid Workshop？

A: Splendid Workshop 擁有非常專業又合作多年嘅資深工作團隊，為每個客人度身訂造最合適嘅需要，按照客人嘅個性去訂立屬於你自已嘅風格。而且我哋明白到每一個婚禮都係你哋嘅唯一一次，所以一定會竭盡所能，等你安心將你嘅人生大事交俾我哋。